Mwenyekiti wa kijiji aongoza ujenzi nyumba ya mwenye ulemavu Mtwara

 

Nyumba mpya aliyojengewa mzee Zomba mlemavu wa macho kwa jitihada za mwenyekiti wa kijiji cha Mnyengedi Bi lukia Mnyachi(Picha na Musa Mtepa)

Familia ya Mzee Salumu Zomba, mwenye ulemavu wa macho, yamekabidhiwa nyumba mpya baada ya kuishi kwenye kibanda kibovu, juhudi zilizowezeshwa na viongozi wa kijiji cha Mnyengedi kwa kushirikiana na wadau mbalimbali.

Na Musa Mtepa

Baada ya kuishi katika mazingira hatarishi kwa muda mrefu, familia ya Mzee Salumu Ismail Zomba, ambaye ni mlemavu wa macho, mkazi wa Kijiji cha Mnyengedi kata ya Mkunwa mkoani Mtwara, hatimaye imekabidhiwa nyumba mpya yenye vyumba viwili na ukumbi, ikiwa ni matokeo ya juhudi za pamoja zilizoongozwa na Mwenyekiti wa Kijiji cha Mnyengedi, Bi Lukia Mnyachi.

Akitoa taarifa ya ujenzi wa nyumba hiyo, Mtendaji wa Kijiji cha Mnyengedi, Bi Ebby Hamisi, amesema kuwa familia ya Mzee Zomba hapo awali ilikuwa ikiishi katika kibanda kibovu ambacho hakikutoa hifadhi ya kutosha dhidi ya mvua na jua, hali iliyowaathiri hasa watoto waliokuwa wakiishi katika mazingira hayo.

Sauti ya 1 Bi Ebby Hamisi Mtendaji wa Kijiji cha Nyengedi

Aidha, Bi Ebby ameeleza kuwa licha ya mafanikio ya ujenzi huo, familia hiyo bado inakabiliwa na changamoto mbalimbali za kimaisha. Alitoa shukrani kwa wadau wote waliosaidia kufanikisha ujenzi huo, wakiwemo kituo cha redio cha Jamii FM kilichopo Naliendele, Mtwara.

Sauti ya 2 Bi Ebby Hamisi Mtendaji wa Kijiji cha Nyengedi

Akizungumza wakati wa hafla hiyo, Afisa Tarafa wa Mayanga, Bw. Marco Mapunda, amewapongeza wote waliojitolea katika kusaidia familia hiyo na kusema kuwa kitendo hicho ni mfano bora wa mshikamano wa kijamii na namna viongozi wanavyoweza kuwa chachu ya maendeleo kwa watu wenye uhitaji.

Sauti ya 1 Marco Mapunda afisa tarafa tarafa ya Mayanga

Marco Mapunda akizungumza na wananchi waliojitokeza kwenye kukabidhi nyumba ya Bw Zomba (Picha na Musa Mtepa)

Pia afisa tarafa ameahidi kuzibeba na kuzifanyia kazi changamoto zote zilizowasishwa kupitia risala iliyosomwa na afisa mtendaji wa Kijiji cha Nyengedi Bi Ebby Hamisi kwa kuziwasilisha katika ofisi ya mkuu wa wilaya na kuona namna ya kuisaidia familia hiyo

Sauti ya 2 Marco Mapunda afisa tarafa tarafa ya Mayanga

Kwa upande wake, Bi Lukia Mnyachi, Mwenyekiti wa Kijiji cha Mnyengedi, alielezea jinsi alivyoguswa na hali ya maisha ya Mzee Zomba na kuamua kuanzisha juhudi za kutafuta msaada ili kumjengea nyumba.

Sauti ya Bi Lukia Mnyachi Mwenyekiti wa Kijiji cha Mnyengedi

Mwenyekiti wa kijiji cha Nyengedi akielezea jitihada zilizofanyika hadi kukamilika kwa ujenzi wa Nyumba ya Mzee Salumu Zomba mlemavu wa Macho na Mkazi wa kijiji cha Mnyengedi mkoani Mtwara(Picha na Musa Mtepa)

Mzee Salumu Zomba, akizungumza kwa furaha, ameshukuru kwa jitihada kubwa zilizofanywa na viongozi na wadau waliomsaidia kupata makazi bora. Hata hivyo, ametumia nafasi hiyo kuomba msaada zaidi wa vitanda, magodoro, na mahitaji ya watoto wake wanaosoma.

Sauti ya Mzee Salumu Zomba mlemavu wa macho

Mzee Salumu Zomba akiwa na mke wake wakiwa katika picha ya pamoja kwenye kibanda walichokuwa wanaishi na watoto wao kabla ya Mwenyekiti wa kijiji Bi Lukia Mnyachi kufanikisha ujenzi wa Nyumba Mpya(Picha na Musa Mtepa)

Majirani wa Mzee Zomba pia wameelezea hali ngumu ya maisha anayopitia, wakisisitiza kuwa kwa kuwa ni mlemavu wa macho, anahitaji msaada wa mara kwa mara kutoka kwa jamii na serikali.

Sauti ya majirani wa Mzee Zomba

Mwonekano wa awali wa Nyumba ya Mzee Zomba kabla hajaporomoka na Mvua na kujenga kibanda kidogo cha kuishi (Picha na Musa Mtepa)

Share:

Read More

JWTZ yaadhimisha miaka 61 kwa shughuli za kijamii, michezo Mtwara

 

vikosi vya jeshi la Wananchi la Tanzania (JWTZ ) wakiwa katika maadhimisho ya siku ya kuzaliwa kwake katika viwanja vya Nangwanda Sijaona Mjini Mtwara(Picha na Musa Mtepa)

JWTZ limeadhimisha miaka 61 tangu kuanzishwa kwake kwa kushiriki shughuli za kijamii ikiwemo uchangiaji damu na mpira wa kirafiki dhidi ya Jeshi la Polisi, katika viwanja vya Nangwanda Sijaona, Mtwara

Na Musa Mtepa

Jeshi la Wananchi la Tanzania (JWTZ) leo Septemba 1, 2025, limeadhimisha miaka 61 tangu kuanzishwa kwake mwaka 1964, kufuatia kuondoka kwa jeshi la kikoloni.

Maadhimisho hayo yamefanyika katika viwanja vya Nangwanda Sijaona mjini Mtwara, yakiongozwa na Mkuu wa Vikosi na Vikundi vya JWTZ mkoa wa Mtwara (Base Commander), Kanali James Simon Mwakinyuke.

Kanali Mwakinyuke amesema kuwa maadhimisho hayo ni kumbukizi ya kuzaliwa kwake ambapo kuelekea katika maadhimisho hayo huambatana na ufanyaji wa shughuli mbalimbali za kijamii

Sauti ya 1 Kanali James Mwakinyuke mkuu wa vikosi vya JWTZ Mtwara

Kanali James Simon Mwakinyuke akizungumza na Waandishi wa habari katika kilele cha maadhimisho ya kuzaliwa kwa JWTZ yaliyofanyika katika viwanja vya Nangwanda Sijaona mjini Mtwara(Picha na Musa Mtepa)

Aidha, Kanali Mwakinyuke amesema katika kilele cha maadhimisho ya mwaka huu, Jeshi la Wananchi mkoani Mtwara limejitoa kushiriki katika zoezi la uchangiaji wa damu kupitia Mfuko wa Damu Salama – Kanda ya Kusini, pamoja na kucheza mechi ya kirafiki ya mpira wa miguu kati ya JWTZ na Jeshi la Polisi Mkoa wa Mtwara.

Sauti ya 2 Kanali James Mwakinyuke mkuu wa vikosi vya JWTZ Mtwara

Miongoni mwaafisa wa Jeshi la Wananchi la Tanzania akiwa katika hatua za mwisho za vipimo tayari kwa kuchangia Damu katika mfuko wa taifa wa Damu Salama (Picha na Musa Mtepa)

Huu ni utaratibu wa kawaida kwa JWTZ mkoani Mtwara ambapo Mwaka jana walifanya usafi katika eneo la Mashujaa na tukachangia damu katika Zahanati ya Jeshi ya 665 Alignment.

Maadhimisho haya ni sehemu ya mwendelezo wa JWTZ kushirikiana na jamii kwa njia za kijamii na kijeshi, ikiwa ni pamoja na kudumisha amani na mshikamano ndani ya nchi.

Share:

Read More

TGNP Yakanusha tuhuma za mitandaoni kusimamia uwajibikaji na uwazi

 

Mwenyekiti wa Bodi ya TGNP Bi. Gemma Akilimali

Na Mwandishi wetu

Mtandao wa Jinsia Tanzania (TGNP) umekanusha vikali tuhuma za mitandaoni kuhusu uvunjifu wa kiuongozi na matumizi mabaya ya fedha, na umesisitiza kuwa uwajibikaji na uwazi ndio nguzo kuu za kazi zake.

Mwenyekiti wa Bodi ya TGNP, Bi. Gemma S. Akilimali, alisema hatua ya kuteua Kaimu Mkurugenzi Mtendaji imefanywa kwa mujibu wa Katiba ya TGNP ya mwaka 2021, Ibara ya 19 (viii).

“Uteuzi huu ulikuwa wa lazima ili kuhakikisha mwendelezo wa taasisi wakati mchakato wa kumpata Mkurugenzi mpya ukiendelea,” alisema Akilimali.

Akizungumzia madai ya ubadhirifu, aliongeza:“Tuhuma hizi hazina msingi wowote. TGNP ina mfumo madhubuti wa usimamizi wa fedha unaokaguliwa mara kwa mara na wakaguzi wa ndani na wa nje. Tunabaki thabiti katika uwazi na uwajibikaji.”

Pia alitoa onyo kwa wanaosambaza taarifa za kupotosha:“Tutachukua hatua za kisheria chini ya Sheria ya Makosa ya Mtandao kwa yeyote anayeeneza taarifa za uongo na za kashfa. Kazi ya TGNP inaendelea bila kusimama na hatutavunjwa moyo na upotoshaji.”

Licha ya upotoshaji huo, mafanikio ya TGNP yanaonekana kupitia zaidi ya Vituo 90 vya Taarifa na Maarifa (Knowledge Centres – KCs) vilivyoanzishwa katika zaidi ya halmashauri 80 nchini. Vituo hivi vimekuwa chachu ya kupunguza umasikini, kupambana na ukatili wa kijinsia (GBV), kuongeza uelewa wa sera, na kuwaunganisha wananchi kushiriki moja kwa moja kwenye maamuzi ya maendeleo.

Amesisitiza kwamba, TGNP itaendelea kujenga uwezo kwa jamii kupitia mbinu shirikishi, na kuwajengea uwezo wananchi namna ya kuibua changamoto zao, na kuziwasilisha kwa viongozi na wafanya maamuzi ili wazifanyie kazi, lakini pia jamii ijitambue, itambue nafasi yao, na kushirikiana na uongozi ili wabadilishe mifumo kandamizi hasa ya mila na desturi na kuhakikisha rasilimali zinasogezwa karibu na wananchi kwa usawa bila ubaguzi wa kijinsia.

Bi. Akilimali alisema:“Uwajibikaji wa TGNP unadhihirika vijijini na mitaani — pale ambapo wanawake hawatembei tena kilomita nyingi kutafuta huduma za afya, pale watoto wanapopata elimu bora, na pale jamii inapopaza sauti kudai haki zao. Huo ndio ushahidi wa kweli wa TGNP.”

Kwa mujibu wa Bi. Sabina Mwaliego wa Kituo cha Mshewe, Mbeya DC:“Kupitia TGNP, huduma za afya ya mama zimeimarika Mshewe. Wanawake wanajifungua salama karibu na makazi yao. Mbinu ya ‘Triple A’,  Kutathmini, Kuchambua na Kuchukua Hatua,  imetusaidia kuibua changamoto na kusukuma mabadiliko. Viongozi wetu wametuelewa na wamechukua hatua”

Afisa wa Halmashauri ya Kishapu , ambaye hakutaka kutajwa jina lake alisema: “Ushirikiano na TGNP umetusaidia kupanga bajeti kwa kuzingatia sauti za wananchi, hususan wanawake na vijana. Huduma za maji, elimu na afya zimeboreshwa kutokana na ushirikishwaji huu, Mfano kata zetu tisa zimenufaika, Ukienda Kata ya Ukenyenge, Mondo, Kishapu, Kiloleli, Songwa utaona kazi za TGNP kwenye jamii.”

Mwanachama wa TGNP, ambaye hakutaka jina lake litajwe, alisema:“Mbinu za uhamasishaji wa TGNP zinawafanya wananchi kuchukua hatua na kutumia rasilimali walizo nazo. Jamii zinakuwa na ujasiri wa kupinga ukatili na kudai mabadiliko.”

Ufanisi wa KCs umevutia hata Halmashauri ambazo hazipo moja kwa moja kwenye miradi ya TGNP. Baadhi, zikiwemo Mtwara DC, Mtwara MC, Lindi MC, Kisarawe DC, Ilala MC, Chalinze DC, Kibaha MC, Ruangwa DC na Nachingwea DC, zimeomba mwongozo kutoka TGNP ili kuanzisha KCs zao wenyewe baada ya kuona matokeo chanya kwa wenzao.

Zaidi ya kazi za ngazi ya jamii, TGNP imekuwa mshirika muhimu wa Serikali Kuu katika kusukuma mbele marekebisho ya sera na sheria zinazohusu afya, elimu na bajeti za kitaifa, kuhakikisha usawa wa kijinsia unazingatiwa katika sera zote.

Share:

Read More

Wanawake waliovunja ukimya, safari ya Coletha, Zaituni kisiasa

2 August 2025, 15:18 pm

Coletha Chiponde na Zaituni Selemani Namkola wakizungumza na Mwanaidi Kopakopa (hayupo pichani) Picha na mwandishi wetu

Walizunguka kwa miguu, walikutana na wananchi, wakahamasisha, na walipambana kwa hali na mali kuhakikisha sauti ya mwanamke inasikika katika uongozi wa ngazi ya chini

Na Mwanaidi Kopakopa

Walizunguka kwa miguu, walikutana na wananchi, wakahamasisha, na walipambana kwa hali na mali kuhakikisha sauti ya mwanamke inasikika katika uongozi wa ngazi ya chini

Na Mwanaidi Kopakopa

Katika miaka ya karibuni, Tanzania imeanza kushuhudia mwamko mpya wa wanawake kushiriki kikamilifu katika uongozi, hasa kwenye siasa za mitaa. Katika mazingira ambayo kwa muda mrefu yamekuwa yakitawaliwa na wanaume, wanawake sasa wanasimama kidete kudai nafasi zao za uongozi si kwa maneno tu, bali kwa vitendo.

Katika kona ya kusini mwa Tanzania, mabadiliko haya yanaanza kuchipua, si kwa baraka za kisiasa, bali kwa sauti zenye uthubutu na dhamira ya kweli kutoka kwa wanawake. Katika kata za Mkunwa na Libobe, wanawake wawili jasiri Coletha Chiponde na Zaituni Selemani Namkola waliamua kuvunja ukimya. Walichukua fomu na kujitokeza kuwania nafasi za udiwani katika kata zao. Walizunguka kwa miguu, walikutana na wananchi, wakahamasisha, na walipambana kwa hali na mali kuhakikisha sauti ya mwanamke inasikika katika uongozi wa ngazi ya chini.

Hata hivyo, licha ya jitihada kubwa walizofanya, majina yao hayakufanikiwa kupenya katika hatua ya kura za maoni. Lakini huu si mwisho wa safari. Ushiriki wao umeacha alama, umeleta majadiliano, umeibua matumaini mapya kwa wanawake na wasichana wengine katika jamii zao. Ni ushahidi wa wazi kuwa demokrasia ya kweli huanza kwa ujasiri wa mtu mmoja au wawili kusimama na kusema: “Naweza.”

Coletha na Zaituni wametoa mfano wa kuigwa. Safari yao ni mwanga kwa kizazi kijacho cha viongozi wanawake walioshikilia imani kuwa uongozi bora huanzia mtaani, kijijini, na katika vikao vya kata. Ni wajibu wa jamii sasa kuenzi jitihada hizi, kuunga mkono usawa wa kijinsia, na kuhakikisha wanawake wanapata fursa sawa ya kushiriki katika maamuzi yanayoathiri maisha yao ya kila siku.

Bonyeza hapa kusikiliza makala haya

Share:

Read More

Wanachama CCM Msimbati watishia kujiondoa uanachama

 

Wanachama wa CCM wakiwa katika ofisi ya chama wakipinga kuondolewa kwa jina la Rashidi Linkoni aliyeshinda kwenye kura za maoni(Picha na Musa Mtepa)

Wanachama zaidi ya 150 wa CCM Msimbati wamelalamikia kuondolewa kwa jina la Rashidi Linkoni aliyeshinda kura za maoni, wakitishia kurudisha kadi zao, huku viongozi wa wilaya wakisisitiza maamuzi ya kamati ya siasa

Na Musa Mtepa

Zaidi ya wanachama 150 wa Chama Cha Mapinduzi (CCM) kata ya Msimbati, wilayani Mtwara Vijijini, wameonesha kutoridhishwa na kitendo cha kuondolewa jina la Rashidi Omari Linkoni, aliyeshinda kura za maoni kwa kura 116, na kurejeshwa jina la Abrehemani Hamisi aliyeshika nafasi ya pili kwa kura 101.

Wanachama hao, wakizungumza na Jamii FM Agosti 17, 2025, wamesema hatua hiyo ni dharau kwa maamuzi ya wajumbe na kutishia kurudisha kadi za chama.

Sauti ya Wanachama wa CCM Kata ya Msimbati

Baadhi ya kadi za Wanachama wa CCM wa kata ya Msimbati zilizo rejeshwa na kutupwa baada ya wanachama kutoridhishwa na kitendo cha kuenguliwa mgombea aliyepitishwa na wajumbe Kwenye kura za maoni

Mzee Musa Ali maarufu kama Mzee Chituka, muasisi wa CCM kata ya Msimbati, amesema kitendo hicho kimekwenda kinyume na maamuzi ya wajumbe na akashauri uongozi wa wilaya kufika Msimbati kufanya mazungumzo na wanachama waliomchagua Linkoni.

Sauti ya Mzee Musa Ali muasisi wa CCM kata ya Msimbati

Mzee Musa Ali muasisi wa CCM kata ya Msimbati (Picha na Musa Mtepa)

Kwa upande wake, Salumu Uchumi, mwenyekiti wa CCM tawi la Liumo, alithibitisha kuwa hadi kufikia Agosti 17, zaidi ya wanachama 150 walikuwa tayari wamerudisha kadi zao za uanachama kutokana na uamuzi huo.

Sauti ya Salumu Uchumi Mwenyekiti CCM tawi la Liumo

Rashidi Omari Linkoni, diwani mstaafu aliyeenguliwa licha ya kuongoza kura za maoni, amesema amepokea kwa namna yake maamuzi ya viongozi wa wilaya, lakini hana budi kuyakubali.

Sauti ya Rashidi Linkoni Diwani mstaafu

Rashidi Linkon aliyekuwa Diwani wa kata ya Msimbati akizungumza baada ya wanachama kuandamana wakihitaji kurejeshwa kwa jina lake lililochaguliwa kwenye kura za maoni(Picha na Musa )

Naye Shahame Masudi Ahmadi, katibu wa CCM kata ya Msimbati, amekiri jina la Abrehemani Hamisi kurudi badala ya Linkoni na kueleza kuwa ni maamuzi ya Kamati ya Siasa ya Wilaya, huku akiwataka wanachama kuwa watulivu na kufuata maelekezo ya viongozi wa juu.

Sauti ya Shame Masudi Ahmadi Katibu wa CCM kata ya Msimabti

Akizungumzia hali hiyo, Hamisi Wanyama, katibu wa siasa na uenezi CCM Mtwara Vijijini, amesema wajumbe walimteua Linkoni kwenye kura za maoni, lakini kamati ya siasa wilaya ina mamlaka ya kubadili jina endapo itaona inafaa. Aidha, ameongeza kuwa malalamiko ya wanachama ni ishara ya utovu wa nidhamu na kutoifuata itikadi ya chama.

Sauti ya 1 Hamisi Wanyama katibu wa Siasa na uenezi wilaya

Wanyama amebainisha kuwa taarifa za wanachama kurudisha kadi ameziona mitandaoni na hajapokea rasmi, lakini endapo zitafikishwa watazipokea, huku akiahidi kufika Msimbati kuzungumza na wanachama husika.

Sauti ya 2 Hamisi Wanyama katibu wa Siasa na uenezi wilaya

Katibu wa Siasa na uenezi CCM Mtwara Vijijini Hamisi Wanyama akitolea ufafanuzi juu ya malalamiko ya wanachama wa CCM kata ya Msimbati

Share:

Read More

Waandishi wa habari watahadharishwa kuzingatia weledi uchaguzi mkuu

Amua Rushita akiendelea na mafunzo na Waandishi wa habari wa kituo cha Jamii fm redio yaliyofanyika leo August 15,2025 katika kituoni hapo (Picha na Musa Mtepa)

 Mafunzo kwa waandishi wa Jamii FM Redio yamewahimiza kuzingatia weledi, usalama kazini na kujikinga na uhalifu mtandaoni kuelekea uchaguzi mkuu wa Oktoba 29, 2025

Na Musa Mtepa

Waandishi wa habari wametakiwa kuwa makini na kuzingatia weledi wa taaluma yao, hususan kuelekea katika kipindi cha uchaguzi mkuu unaotarajiwa kufanyika Oktoba 29, 2025 nchini.

Wito huo umetolewa leo, Agosti 15, 2025, na mkufunzi Amua Rushita wakati wa mafunzo ya kuwajengea uwezo waandishi wa habari wa kituo cha Jamii FM Redio kuhusu ulinzi na usalama katika kipindi cha uchaguzi. Amesema kuwa waandishi wanapaswa kuchukua tahadhari wanapokuwa kazini ili kuepuka hatari zinazoweza kujitokeza.

Sauti ya 1 Amua rushita mkufunzi wa mafunzo

Akifafanua, Amua amesema mafunzo hayo yamejikita katika maeneo matatu makuu: kuzingatia taratibu wakati wa kuhudhuria mikutano ya vyama vya siasa, kujikinga na uhalifu mtandaoni kupitia vifaa vya kidijitali, na kuimarisha ustawi wa kisaikolojia kwa waandishi wa habari wakiwa kazini.

Sauti ya 2 Amua rushita mkufunzi wa mafunzo

Waandishi wa habari wa Jamii FM Redio, Shaibu Omari na Msafiri Kipila, wameeleza kufurahia mafunzo hayo, wakisema yamegusa moja kwa moja namna ya kuboresha usalama wao na kufuata taratibu sahihi wakati wa mchakato wa uchaguzi.

Sauti ya msafiri kipila na Shaibu Omari

Kwa upande wake, Mwanahamisi Chikambu, mwandishi wa habari wa kituo hicho, amesema ameongeza uelewa kuhusu umuhimu wa kuvaa mavazi yanayomtambulisha mwandishi wa habari, pamoja na kujitambulisha kwa viongozi wa usalama kwenye eneo la tukio ili kurahisisha utambuzi endapo changamoto itatokea

Sauti ya Mwanahamisi Chikambu Mwandishi

Mafunzo haya ya kuwajengea uwezo waandishi wa habari ni sehemu ya mradi wa usalama wa mwandishi wa habari kuelekea uchaguzi mkuu unaotarajiwa kufanyika Oktoba 29,2025 nchini ambayo yanasimamiwa na umoja wa Klabu za waandishi wa habari nchini (UTPC).

Share:

Read More

Jamii inachangiaje kuwalinda, kuwatunza watu wenye ulemavu?

Hamisi Mshamu Bakari akiwa na biadhaa zake za mtumba. Picha na Msafiri Kipila

“Hamisi Bakari anakiri kuwa changamoto kubwa anayokumbana nayo ni ukosefu wa eneo maalum la kufanyia biashara, kama angepata sehemu hiyo rasmi basi angeweza kupiga hatua zaidi za kimaendeleo kwa kuwa angeendesha biashara yake kwa utulivu na kujiimarisha zaidi kiuchumi”

Na Msafiri Kipila

Katika harakati za kujikwamua na umasikini, watu wenye ulemavu wameendelea kuonyesha juhudi na uthubutu mkubwa wa kushiriki katika shughuli za maendeleo kama walivyo watu wengine katika jamii. Licha ya changamoto mbalimbali zinazowakabili, bado wengi wao wamejiajiri na kufanya biashara ndogondogo ili kujitegemea kiuchumi na kuondoa dhana potofu kuwa ulemavu ni mwisho wa uwezo wa mtu.

Hamisi Mshamu Bakari ni miongoni mwa watu hao. Ni mlemavu wa mguu ambaye amejikita katika biashara ya kuuza viatu na nguo za mtumba kwa zaidi ya miaka 20. Akiwa na azma ya kubadili maisha yake, Hamisi hutembea umbali mrefu kila siku kutoka Mtawanya Juu hadi Magomeni, ambako huchukua bidhaa zake kabla ya kuzitembeza mitaani kwa ajili ya kuziuza. Safari hizo ndefu, licha ya hali yake ya ulemavu, zinadhihirisha kiwango kikubwa cha uvumilivu, bidii na kujituma alichonacho.

Hamisi Mshamu Bakari akiwa kwenye makazi yake. picha na Msafiri Kipila

Hata hivyo, Hamisi anakiri kuwa changamoto kubwa anayokumbana nayo ni ukosefu wa eneo maalumu la kufanyia biashara. Anasema kama angepata sehemu hiyo rasmi, basi angeweza kupiga hatua zaidi za kimaendeleo kwa kuwa angeendesha biashara yake kwa utulivu na kujiimarisha zaidi kiuchumi. Anaeleza kuwa msaada wa aina hiyo ungekuwa chachu kubwa ya mafanikio kwa watu wenye ulemavu, ambao mara nyingi hukosa fursa za msingi zinazoweza kuwainua kiuchumi.

Kupitia simulizi hii, jamii inapaswa kutambua kuwa watu wenye ulemavu hawahitaji huruma, bali wanahitaji fursa, mazingira rafiki na msaada wa kweli utakaowawezesha kujitegemea. Kama jamii itawekeza kwao, kwa kuwapatia maeneo ya biashara, mikopo au mafunzo ya ujasiriamali, basi watakuwa sehemu muhimu ya maendeleo ya kijamii na kiuchumi ya taifa letu. Kisa cha Hamisi kinatoa somo la matumaini, lakini pia changamoto inayohitaji hatua za haraka.

 Bonyeza hapa kusikiliza makala haya

Share:

Read More